ရိုဟင်ဂျာဒုက္ခသည်များ နေရပ်ပြန်ပို့ရေးနှင့် မလေးရှား၏ စံလွဲ သံတမန်ရေးရာ ခြေလှမ်း
ရွေးကောက်ပွဲနီးချိန် မလေးရှားက စစ်ကောင်စီနှင့် ရိုဟင်ဂျာ ၂ သိန်းခန့် ပြန်ပို့ရေး တိုက်ရိုက်ဆွေးနွေးမှုသည် လူသားချင်းစာနာမှုရပ်တည်ချက်မှ သွေဖည်သွားခြင်းဖြစ်သည်။ မင်းအောင်လှိုင်နှင့် ထိတွေ့ဆက်ဆံခြင်းက စစ်အုပ်စုကို တရားဝင်မှုပေးရာရောက်ပြီး အာဆီယံဘုံသဘောတူညီချက်ကို ပျက်ပြားစေသည်။ အန္တရာယ်ရှိသည့် စစ်နယ်မြေတွင်းသို့ နေရပ်ပြန်ပို့ခြင်းသည် အပြည်ပြည်ဆိုင်ရာ ဒုက္ခသည်ပြန်မပို့ရေးဥပဒေ (non-refoulement) ကို ပြောင်ပြောင်တင်းတင်း ချိုးဖောက်ကာ မလေးရှား၏ နိုင်ငံတကာဂုဏ်သိက္ခာကိုလည်း ထိခိုက်စေပါသည်။
မြန်မာ့အရေးနှင့် တရုတ်နိုင်ငံ၏ မဟာဗျူဟာမြောက် ကစားကွက်များ
ဤဆောင်းပါးတွင် တရုတ်-မြန်မာဆက်ဆံရေး၏ သမိုင်းဝင်မဟာဗျူဟာမြောက် လှုပ်ရှားဆောင်ရွက်မှုများ၊ ၂၀၂၁ စစ်အာဏာသိမ်းမှု အပြီး စစ်ကောင်စီအပေါ် ထားရှိသည့် တရုတ်နိုင်ငံ၏ သံတမန်ရေးရာ ချဉ်းကပ်မှုနှင့် တရုတ်နိုင်ငံအနေဖြင့် နွေဦးတော်လှန်ရေးကို ရေရှည်ထောက်ခံအားပေးပါက ရရှိလာနိုင်သည့် ပထဝီနိုင်ငံရေးနှင့် ပထဝီစီးပွားရေးဆိုင်ရာ အကျိုးအမြတ်များကို နိုင်ငံတကာဆက်ဆံရေး သီအိုရီများ၏ ရှုထောင့်မှ သုံးသပ်တင်ပြထားသည်။
ထိုင်းနိုင်ငံ၏ ကိုယ်ကျိုးစီးပွားသက်သက်အခြေပြုမူဝါဒနှင့်မြန်မာတော်လှန်ရေးအပေါ် မှားယွင်းသော မဟာဗျူဟာတွက်ချက်မှုအားသုံးသပ်ခြင်း
ဤဆောင်းပါးသည် ထိုင်းနိုင်ငံ၏ ကိုယ်ကျိုးစီးပွားသက်သက်အခြေပြု မူဝါဒကို သုံးသပ်ထားပြီး၊ စစ်ခေါင်းဆောင် မင်းအောင်လှိုင်နှင့် ထိတွေ့ဆက်ဆံရန် ကြိုးပမ်းမှုသည် မဟာဗျူဟာမြောက် မှားယွင်းသော တွက်ချက်မှုတခုဖြစ်ကြောင်း ထောက်ပြထားသည်။ မြန်မာ့ တော်လှန်ရေးအင်အားစုများ၏ နယ်မြေစိုးမိုးမှု၊ စစ်တပ်၏ နယ်စပ်ထိန်းချုပ်ခွင့် ဆုံးရှုံးမှုနှင့် နိုင်ငံ၏ စီးပွားရေးပြိုလဲမှုတို့ကို လျစ်လျူရှုခြင်းဖြင့် ထိုင်းနိုင်ငံသည် ၎င်း၏ နိုင်ငံတကာပုံရိပ်၊ ရေရှည်လုံခြုံရေးနှင့် အနာဂတ် မြန်မာပြည်သူများနှင့် ဆက်ဆံရေးတို့ကို ထိခိုက်စေနိုင်သည်ဟုလည်း သုံးသပ်ထားပါသည်။